ЭлТР: #WCCJ 98 өлкө катышып, анын ичинен негизги 5 баяндамачынын бири болуп Кыргызстан чыкты

Индонезияда өтүп жаткан Конституциялык сот адилеттиги боюнча Бүткүл дүйнөлүк конференцияга (#WCCJ) 98 өлкө катышып, анын ичинен негизги 5 баяндамачынын бири болуп Кыргызстан чыкты. Мындай мүмкүнчүлүк Кыргызстанга алгач жолу берилди. Бул сессияда башка мамлекеттик органдар менен өз ара мамилелер аспектинде конституциялык соттордун иштешинин жалпы тенденциялары, ЖМКнын конституциялык контролдоо органдарынын ишине болгон мамилеси, ошондой эле конституциялык сот өндүрүшүн козгоо үчүн конституциялык контролдоо органдарына кайрылуулардын (суроо-талаптардын) мааниси каралды.