Елбасының мәдениет саласындағы 2016 жылғы мемлекеттік стипендиясы табыс етілді

Бүгін Алматыда Мемлекеттік хатшы Гүлшара Әбдіқалықова мәдениет және өнер қайраткерлеріне Елбасының 2016 жылғы мәдениет саласындағы мемлекеттік стипендиясын табыс етті. 500 мың теңге көлеміндегі сыйақы әдебиет, кино, театр, музыка және бейнелеу өнерінің 75 қайраткеріне тағайындалды. Олардың қатарында Ерлан Жүніс, Ерлан Рысқали, Мадина Баспаева, Димаш Құдайбергенов және Тасқын Жармұхаммед сынды дарынды жастар бар. Алмас Темірбай, ақын -Бұл стипендия бізді шабыттандыра түседі деп ойлаймын. Алдағы уақытта да Қазақ еліне еңбек етіп, үлкен-үлкен шығармалар жазамыз деген сенімдемін. Ерлан Рысқали, әнші -Бұл қазақтың әніне деген, ұлттық өнеріне деген құрмет деп білемін. Сондықтан біздің өнеріміз өркендей берсін, өсе берсін. «Қазақтың әні өлсе, әдебиеті жесір қалады» деген Сұлтанмахмұт Торйғыровтың әдемі сөзі бар. Әнді елеп-ескеріп, мейлінше қадірлеп, алақанында ұстап келе жатқан, Үкіметтің тізгінін ұстап отырған игі-жақсылардың барлығына ұлт өнерінің соңында жүрген өнерпаздардың атынан шексіз алғыс айтамын.