Yangiobodda 16 nafar bolajonlarning xatna to'ylari o'tkazildi #Jizzax #Yangiobod #2022

Янгиобод тумани ҳокими ташаббуси билан Ватанимиз Мустақиллигининг 31 йиллик байрами арафасида 16 нафар ижтимоий ҳимояга мухтож оила фарзандларининг хатна тўйлари ўтказилди. Тантанада сўз олганлар болажонларни келажакда юртимиз равнақи учун хизмат қиладиган комил шахс бўлиб камол топишлари, Ватанига садоқатли, зиёли инсонлар бўлишига тилак билдирдилар. Тўйболаларнинг оила аъзолари ва меҳмонлар учун тўй дастурхони ёзилиб, болажонларнинг ҳар бирига туман ҳокимлиги, “Маҳалла” ҳайрия жамоат фонди қошидаги “Саховат ва кўмак” жамғармаси ҳамда “Меҳр шавқат” жамғармаси томонидан қимматбаҳо совғалар улашилди. Катта шодиёналар билан ўтган тўй давраси хушовоз хонандаларнинг куй-қўшиқлари ҳамда шўх-шодон ўйин-кулгулар билан янада файз олди.