Ахба еиҭеиҳәеит актиор Нурбеи Камкьиеи иареи реибадырра шыҟалаз
Аԥсны Жәлар рартист, Аԥсуа ҳәынҭқарратә драматә театр актиорцәа аԥхьагылаҩцәа иреиуаз Нурбеи Камкьиа диижьҭеи 91 шықәса ҵит. Аҟаза ду арадио Sputnik аефир аҟны дигәалаиршәеит Аԥсни Адыгатәылеи Зҽаԥсазтәыз артист Лаврик Ахба. "Нурбеи Камкьиа — убасҟак абаҩхатәра ду иман, иааирҭоз арольқәа зегьы шьахәла инаигӡон. Ҟазшьас убас иман — аҿар имырхьаакәа абжьгарақәа ҳаиҭон. 1970 шықәса инаркны атеатр аҿы ҳаицыхәмаруан. Иааихәмаруаз зегьы аромантикатә хаҿсахьақәа ракәын. Акиноқәа рҟынгьы ирацәаӡаны иҽҭиххьан, асоветтә актиорцәа зегьы ӷәӷәақәа дреиӷьымзар дреицәаӡамызт", — иҳәеит Ахба. 🖇 Аԥсуа театр асценаҿ Нурбеи Камкьиа қәҿиарала дыхәмарит: Анджело ("Анджело" В. Гиуго, 1959), Асланбеи ("Ашамҭаз" А. Лагәлаа, 1959), Тахи ("Ҳаамҭазтәи ахлымӡаах" Р. Ебралиӡе, 1961), Машьгәыгә ("Ҩаԥхьа ианышәҭуа" Гь. Гәыблиа, 1962), аминистр ("Аҳәынҭқар ҟьантаз" Е. Шварц, 1963), Ганс ("Иван-аԥсуа" М. Чамагәуа, 1963), Филипп ("Дон Карлос" Ф. Шиллер, 1971) уҳәа. Нурбеи Камкьиа Аԥсуа драматә театр иқәнаргылоз аспектакльқәа шамахамзар зегьы дрылахәын. Иара иҽҭихуан акиносахьақәа рҟынгьы. 1975 шықәсазы иҭыхыз Владимир Савелиев ифильм "Хҭырԥа шкәакәа" аҟны Нурбеи Камкьиа ирҭеит ароль хадақәа руак. Уи сценаристс даман Баграт Шьынқәба ихаҭа. Актиор иҽҭихит афильмқәа "Время счастливых находок", "Жизнь и удивительные приключения Робинзона Крузо", "Чегемский детектив", "Пиры Валтасара, или ночь со Сталиным", иааидкыланы 22 киносахьа рҟны. Нурбеи Камкьиа ианашьоуп "Ахьӡ-Аԥша" аорден III аҩаӡара, "Аџьа агәымшәараз" амедал. Актиор идунеи иԥсахит 2013 шықәсазы. Еще больше новостей об Абхазии читайте на нашем сайте: https://sputnik-abkhazia.ru/ Подписывайтесь на нас в соцсетях, там всегда интересно: https://t.me/SputnikAbkhazia http://www.tiktok.com/@sputnikabkhazia https://zen.yandex.ru/sputnik-abkhazia.ru https://vk.com/sputnikabkhazia https://ok.ru/sputnikabk
Аԥсны Жәлар рартист, Аԥсуа ҳәынҭқарратә драматә театр актиорцәа аԥхьагылаҩцәа иреиуаз Нурбеи Камкьиа диижьҭеи 91 шықәса ҵит. Аҟаза ду арадио Sputnik аефир аҟны дигәалаиршәеит Аԥсни Адыгатәылеи Зҽаԥсазтәыз артист Лаврик Ахба. "Нурбеи Камкьиа — убасҟак абаҩхатәра ду иман, иааирҭоз арольқәа зегьы шьахәла инаигӡон. Ҟазшьас убас иман — аҿар имырхьаакәа абжьгарақәа ҳаиҭон. 1970 шықәса инаркны атеатр аҿы ҳаицыхәмаруан. Иааихәмаруаз зегьы аромантикатә хаҿсахьақәа ракәын. Акиноқәа рҟынгьы ирацәаӡаны иҽҭиххьан, асоветтә актиорцәа зегьы ӷәӷәақәа дреиӷьымзар дреицәаӡамызт", — иҳәеит Ахба. 🖇 Аԥсуа театр асценаҿ Нурбеи Камкьиа қәҿиарала дыхәмарит: Анджело ("Анджело" В. Гиуго, 1959), Асланбеи ("Ашамҭаз" А. Лагәлаа, 1959), Тахи ("Ҳаамҭазтәи ахлымӡаах" Р. Ебралиӡе, 1961), Машьгәыгә ("Ҩаԥхьа ианышәҭуа" Гь. Гәыблиа, 1962), аминистр ("Аҳәынҭқар ҟьантаз" Е. Шварц, 1963), Ганс ("Иван-аԥсуа" М. Чамагәуа, 1963), Филипп ("Дон Карлос" Ф. Шиллер, 1971) уҳәа. Нурбеи Камкьиа Аԥсуа драматә театр иқәнаргылоз аспектакльқәа шамахамзар зегьы дрылахәын. Иара иҽҭихуан акиносахьақәа рҟынгьы. 1975 шықәсазы иҭыхыз Владимир Савелиев ифильм "Хҭырԥа шкәакәа" аҟны Нурбеи Камкьиа ирҭеит ароль хадақәа руак. Уи сценаристс даман Баграт Шьынқәба ихаҭа. Актиор иҽҭихит афильмқәа "Время счастливых находок", "Жизнь и удивительные приключения Робинзона Крузо", "Чегемский детектив", "Пиры Валтасара, или ночь со Сталиным", иааидкыланы 22 киносахьа рҟны. Нурбеи Камкьиа ианашьоуп "Ахьӡ-Аԥша" аорден III аҩаӡара, "Аџьа агәымшәараз" амедал. Актиор идунеи иԥсахит 2013 шықәсазы. Еще больше новостей об Абхазии читайте на нашем сайте: https://sputnik-abkhazia.ru/ Подписывайтесь на нас в соцсетях, там всегда интересно: https://t.me/SputnikAbkhazia http://www.tiktok.com/@sputnikabkhazia https://zen.yandex.ru/sputnik-abkhazia.ru https://vk.com/sputnikabkhazia https://ok.ru/sputnikabk