Традыцыйная песенная культура Беларусі

Традыцыйная культура адыгрывае важную ролю ў грамадстве, у фарміраванні яго нацыянальнай самасвядомасці, у выхаванні маладога пакалення. Адным з самых глыбокіх і эстэтычна прывабных складнікаў беларускай культуры з’яўляецца песенная традыцыя, якая захавалася да сённяшняга дня і, без сумнення, захаваецца і надалей. Сёння маладыя фальклорныя калектывы звяртаюцца да традыцыі продкаў, да лепшых здабыткаў мінулага. Дзякуючы ім песенная традыцыя адраджаецца і перадаецца, нібы па жывым ланцужку, ад пакалення да пакалення.