Хĕрлĕ лапамра йывăç тĕм лартаççĕ

Шупашкар кӳлемĕшне симĕс сăн кĕртеççĕ. Пĕлтĕр реконструкци хыççăн Хĕрлĕ лапам чул джунглие çаврăннине палăртатчĕ чылайăшĕ, ун чухне хула администрацийĕ çулла лартакан йывăçсем вăй илейменнине, çак ĕçе кăшт каярах хăварнине пĕлтернĕччĕ. Пĕлтĕр кĕркунне кунта агрономсемпе йывăç-тĕм лартакансем ĕçлеме пуçларĕç. Кăçал çуркунне вара çак ĕçĕн иккĕмĕш тапхăрĕ пуçланчĕ. Алла Салаева вице-премьерпа Шупашкар администрацийĕн Пуçлăхĕ Алексей Ладыков та хăтлăх ĕçне хăйсен тӳпине хыврĕç.