Бир үйдөн 6 адамдын өмүрүн алган Баткендеги окуя

Бул кырсык Кадамжай РИИБдин маалыматтардын электрондук журналына 2022-жылдын 30-декабрь күнү катталып, окуя болгон жерге ыкчам-тергөө тобу чыгып, төмөнкүлөр аныкталган. Болжол менен окуя 2022-жылдын 29-декабрынан 30-декабрына карган түнү Кадамжай районунун Алга айыл аймагынын Алга айылынын тургуну 1986-жылы туулган Н.Р. өзүнүн жаңы салынган үйүндө, үй-бүлө мүчөлөрү: аялы 1986-жылы туулган К.Ж., кызы 2014-жылы туулган Ж.А, уулу 2016-жылы туулган Н.И., уулу 2020-жылы туулган Н.А. жана кайын агасынын уулу 2012-жылы туулган Ж.Т. болуп уктап жаткан учурда, үйдү жылытуу үчүн сайылган эки даана электр жылыткычынын айынан электр зымдары ээрип күйүп, үйдүн ичиндеги диван жана жерге төшөлгөн паластар күйүп, үйдүн ичи түтүнгө толуп, ууланышып каза болушкандыгы аныкталган. Жогорудагы окуя боюнча соттук-медициналык жана өрт-техникалык экспертизалар дайындалды.